وحده ماشية فى عزاء زوجها و تصوت وتقول : يا حبيبى يا بوعيالي!! ..... واثنين شباب ماشيين معها في العزاء ، واحد قال للثانى ياسلام شايف الست دى بتحب زوجها قد إيه!! قاله ياراجل انت بتصدق الحاجات دى ، طب استنى حاوريك !! وراح وراها وقال: ياجميل يا عسل أخ لو تقولى ساكن فين أتجوزك بعد الأربعين يوم على طول ؟؟ .. ردت وقالت: يا حبيبى يازوجى يالى ساكن في الجيزه عمارة 37 تانى شقة على اليمين !!!!!!!!!!
شحات بيكلم بنت تخينه قوى ، وبيقول لها : أرجوكى انا بقالى يومين ماكلتش لقمة عيش واحدة ...ردت البنت: أنا بحسدك على إرادتك ، مين الدكتور اللى بتعمل عنده الرجيم الهائل ده ؟
مرة واحد غبى واقف في الشارع و بيتكلم في المحمول و عمال يزعق و يقول: بس دوري تاني ، دوري كويس. ام واحد معدي في الشارع جه قال له: في إيه ؟؟؟؟ راح واخد المحمول منه وبيسمع ... لقى .... (الرقم الذي طلبته غير موجود في الخدمة)!!!!
لية الديك عندة زكام ؟علشان متجوز فرخة مجمدة
بتقول الزوجة لزوجها : مبروك هنبقي ثلاثة فى البيت ... الزوج بسعادة : حاجة جاية فى السكة؟؟؟ قالت له : لأ ماما هتعيش معانا
واحد كسلان جداً ...بيقول لصاحبه : مش انا اشتغلت . قال له مبروك اشتغلت فين ؟؟ قال له في مطبعه... اقعد علي الورق علشان ما يطرش
مرة واحد نزل بسين طلع بصاد --- مرة واحد راح عزة رجع سلوى
معلم لغة عربية قال : وقفت السيارة فى المكان الممنوع ...ثم سأل أحد التلاميذ أن يعرب كلمة السيارة فقال التلميذ: فاعل مرفوع بالونش
مرة 3 أطفال راحوا محل لعب واحد بيقول للراجل: عمو عمو عايز بلونة. الراجل جاب السلم وطلع جاب له بلونة ونزل فسأل التاني: وانت عايز ايه؟ .قال له بلونة .. قال له ماقلتش ليه وانا فوق!! المهم طلع جابهاله وهو فوق سأل الولد التالت: وانت كمان عايز بلونة؟؟؟ قال له لأ... فنزل الراجل وقال له : امال عايز ايه؟. قاله عايز بلونتين